"ان عدم وجود سبب للبقاء هو في ذاته سبب جيد للمغادرة "🍂
 

من فترة قريت جملة لطيفة بتقول
‏"No reason to stay is a good reason to go”
ملخصها انّك كل ما تلاقي حالك تعبت ب أي علاقة أيّاً كان نوعها تبطّل تقدّم فوق طاقتك وتوقف تسأل حالك
انا عم تعّب حالي كرمال مين ؟!
هالكم الهائل من الطاقة اللي انا عم أبذلو مستاهل ؟
الطرف التاني عم يبذل طاقتو متلي ولّا عم يستهلكني بس ؟
طيب انا مكمّل الطريق هاد كرمال شي بالآخر رح يرضيني؟!مكمّل لأنو خايف اوقف ؟
لو مكمّل ب طريق لمجرد التكملة و الخوف من الحياة برا اللي اتعودت عليه يعني أنت رح تضل تسعى لسراب طول عمرك
ولو قررت تقفل كل البواب المفتّحة وترتب اولوياتك من اوّل وجديد مع شوية حب لذاتك وتقدير لطاقتها ومجهودها
صدقني رح ينفتحلك بدل الطريق ألف وساعتها انت رح تختار و تقرر شو اللي يناسبك وشو لأ
المهم لما تجي تفلتر حياتك تذكّر دايمًا :
"ان عدم وجود سبب للبقاء هو في ذاته سبب جيد للمغادرة "🍂

اكيد ترتيب النفس وإعادة الحسابات بالإيجاب
وليس بالسلب راح يعطينا طاقة متجدده وأفكار
حلوة لحياتنا ادارج رائع ميرسي اسمي

شكرا للادراج

اوه هو الكلام صح


بس انا اصغيرة ع هيك شغلات


هههههه نورت

دايما لازم كل انسان يعيد حساباته ويرتب أولوياتها بين كل فترة والتانيه
ويختار الشي يلي بريحه وما يكون حساب سعادته ونفسيته
سواء كان هالشي مكان او علاقة او اشخاص
حبيت طرحك اسمى
يسلمو دياتك