منتديات بنات فلسطين - قصة دآنيآل وقمر 💛'

شب اسمه دانيال.. شب فلسطيني وحيد عند امه وابوه كل الناس بحكوا عنه طنط وانه ابن الماما لانه امه كتير بتخاف عليه ولوو هو ابنها الوحيد .. دانيال عمره ١٨ سنة ساكن بيافا .. كان بحب بنت دايماً بشوفها وهي رايحة على المدرسة بس بحياته ما حكى معها ،.. دايماً بستناها بالروحة وبالرجعة واسمها قمر .. دانيال طول عمره بحكي انه اسم على مسمى قد مو هي حلوة.. اكتر من مرة حاول يقرب يحكي معها بس بتراجع لانه بعرف انها بنت قوية وممكن تبهدله بنص الشارع،.. كان حبه الها حب كتير نظيف .. دانيال لما بروح على البيت امه بتعرف انه في بنت مغرم فيها وكل ما بدخل البيت بتحكيله الله يجعلها من نصيبك مين ما كانت تكون .. دانيال ببوس ايدها بكل طلعة بطلعها .. كان وقتها توجيهي وامه شادة عليه شوي لانو بدها ابنها يصير دكتور ويحكولها ام الدكتور .. بس بتخليه يطلع بوقت ترويحة المدارس لانه عارفة ازا ما شاف قمر مش رح يعرف يدرس .. دانيال ضل يدرس كتيير وبنحت حالو نحت بس مشان يرفع راس امه وابوه فيه.. امه كل يوم بعد ما ينام بتروح عنده وبتقرأ قرأن على راسه وتضل طول الليل بتدعي وبتبكي مشانه .. وابوه ساند ظهرو فيه وعارف انه ابنه كفو .. دانيال عنده صاحب اسمه احمد واحمد بعرف كل شي عن دانيال وكل قصصه وبحبه كتير 😍 ،،،

ومرقت الايام والامور تمام .. وكان دانيال بحس ع امه وقت ما كانت تقرأ قرآن وبرتاح كتير على صوتها .. وكان ابوه لما يرجع من الشغل بلاقيه بغرفته بدرس بقله الله يرضى عليك يا ابني وببوسه على راسه ويروح .. قمر كانت بعمره لدانيال وتوجيهي .. وكان بعرف عنها كل شي شو بتحب شو بتكره ورغم انو بعرف ايميلها وكل شي ولا بحياته فكر يبعتلها .. كان بس بتطمن عليها منه ... ضل دانيال لفترة بروح عند المدرسة وما بشوف قمر وخاف عليها كتير .. بفتح فيس بوك وما بلاقي شي جديد .. بعد باسبوع شافها وجهها اصفر وتعبانه .. ما عرف مين يسأل عنها حكى مع صاحبه أحمد أحمد كان الشب الي بعرف كل بنات المدرسة وبحكي مع نصهم .. أحمد سأل صاحبيتها وعرف انه ابوها استشهد بنفس بوم ذكرى وفاة امها .. دانيال عرف بالموضوع وقلبه بطل يحمله من الوجع انه بقدرش يعمللها شي.. بلشت الامتحانات ودانيال بتصبح كل يوم بوجها قبل الامتحان ، وبعرفش انه هي بتكنله نفس المشاعر .. ضلو هيك طول فترة الامتحانات ،،،

بلشت الامتحانات وخلصت والوضع تمام .. صحيح كل ما بدهم يروحو على الامتحان بلاقوا الحاجز بوجهم بس كانوا مبسوطين .. لانه كانوا بلتقوا على نفس الحاجز .. خلصوا الامتحانات الوزارية والتنين مبسوطين ب اللي قدموه.. نزلت النتائج و دانيال نجح وجاب ٩٥ .. فرح كتيييير انه تعبه ما راح على الفاضي زغاريت امه ودموعها وصلو لغزة من الفرحة.. ابووه وصى الكنافه بده يعمل لابنه احلى حفلة رح يصير دكتور ويشيله بكبرته.. امه تبوس فيه ومش مصدقة.. هو عقله عند قمر بده يتطمن عليها .. حكى لامه بدي اطلع شوي حكتله روح ياعمري اتطمن عليها روح الله يرضى عليك ويخليلي اياك يا سند ظهري وهديتي من ربنا .. رح اعملك اكتر طبخة بتحبها رح اعملك مسخن ترجع تلاقيه جاهز لا تتأخر بعرفك بتحبو سخن ،ضحك دانيال وحكالها كتري زيت يما كتري، ضحكت باس ايدها وطلع .. وهو على الطريق شاف قمر ويهودي ماسكها من ايدها ويحاول يشلحها حجابها انجن صفن شوي هي صرخت وشافته.. شافها بتبكي انجن بطل يفكر بشي ،،، راح ودفش اليهودي عنها وضربه ووقتها اليهودي هرب .. وقف دانيال مع قمر وحكالها ليش تطلعي لحالك وهي حكتله بدي اروح اسأل صاحبتي عنك واتطمن عليك هو انبسط كتييير .. بس قمر ما سمعت الا صوت رصاصة وما حست الا اليهودي بحكي للعسكر انه هاد الي حاول يطعني .. وقع دانيال على الارض وقمر مسكته وصارت تصرخ .. اخر كلمه حكالها اياها .. امي لا تخلي دموع امي تنزل .. واستشهد .. وصل الخبر لامه وابوه امه انصدمت صارت تضحك بالاول وبتحكي مستحيل شافت قمر حكتلها انتِ قمر اكيد وينه دانيال جهزتله المسخن اكيد عزمك معه .. شافت على ايدها الدم ... وكك وينه وينه ابنييي وينه سند ظهري وينه وينه الي رح يشيلني بكبرتيي .. ودموعها دم جيبولي اياااه وين دكتوري الصغير جيبولي اياااه وابو دانيال ببكي وبقول يا ابني انتَ شهييد عند ربك بس كسرتلي ظهري بموتك والله كسرتلي ايااه وصيت على الكنافة لحفلتك هلأ رح اناديهم لعزااك ياا ابني .. ومسكت ام دانيال قمر وتبوس فيها وتحكيلها شفتييه امانة شفتييه شوو حكالك حكتلها انه لا تخلي امي تبكي .. وسمعت الام هالكلمة من هون وقف قلبها ورا ابنها ولحقته... وابو دانيال ضل لحالو بالبيت بس بستنى بالوقت الي الله رح ياخده لعندهم ويجمعهم بالجنة💔💔