| !~ آخـر مواضيع المنتدى ~! |
| |
| إضغط علي
او
 لمشاركة اصدقائك! |
| |||||||
خطوات مقدسية
يمكن البعض بقول شو هالعنوان وشو بتعني لونلي بخطوات مقدسية خطوات مقدسية بمثل مجموعه من الشباب المقدسين يلي هم من المثقفين والواعيين والقراء والناجحين ويلي حققوا ذاتهم وحققوا انجازات واضحه
 |
| | LinkBack | أدوات الموضوع | انواع عرض الموضوع |
|
#1
11-09-2017
| ||||||||||||
| ||||||||||||
خطوات مقدسية يمكن البعض بقول شو هالعنوان وشو بتعني لونلي بخطوات مقدسية خطوات مقدسية بمثل مجموعه من الشباب المقدسين يلي هم من المثقفين والواعيين والقراء والناجحين ويلي حققوا ذاتهم وحققوا انجازات واضحه بالقدس للسنه التالته ع التوالي بتم دعوة مجموعه من هدول الشباب لمسرح الحكواتي ويلي تقريبا بكون عددهم بكل مرة 14 شخص من قبل مركز مسار يلي هو من اشهر المراكز يلي بتحتضن هيك شباب وبتدعمهم وكمان بدعم مواهب كتيره من الاطفال والشباب والشابات وبوجهوهم وبعززوا الامور الايجابية يلي عندهم قبل اسبوعين كان في احتفال وتكريم لهدول الشباب ..كل واحد فيهم حكي عن خطوات نجاحه وشو عمل وشو التحديات يلي واجهها وكيف وصل لهدفه وحقق مكانه وصار شخص ناجح ومميز رح احكي عن مجموعه منهم مش كلهم بشكل موجز لحتى ما اطول عليكم قبل لنفوت المسرح التقيت مع مجموعه كبيره من المثقفين والقراء البارزين يلي هم معروفين بالقدس وبتجمعني فيهم معرفة سابقه كنا نجتمع كل ما يصير احداث بازه ومميزه بالقدس او اوقات ما كنت متطوعه معهم اول لقاء كان مع دكتور بيطري اسمه دوسيم طهبوب هو مش بس دكتور بيطري حقق انجازات تانيه وصار مسؤول عن مؤسسه لتمية مهارات ومواهب الاطفال في الوقت يلي اعطوه لاله لحتى يحكي عن حاله تكلم عن التأثير الايجابي لتربية حيوان اليف ع سلوك وتربية الطفل بطريقه غير مباشره   تاني لقاء كان مع الدكتورة رهام سموم كانت معلمة احياء بدرس في مدارس القدس لكن كان عندها طموحات اكبر من انها تكون مدرسه احياء فقط ع مدار 10 سنوات كانت تعمل ابحاث في جامعات القدس لكن ما كان في دعم مادي كافي لحتى تكمل ابحاثها لهيك اضطرت تقدم عند اليهود عملت مقابله مع مسؤول يهودي ولقاءها كان كتير ناجح وقبلها لحتى تعمل ابحاثها كانت هي الوحيده في المختبر يلي محجبه كان الكل ينظر الها بنظره غريبه لكن مع الوقت عرفوا اديه هي انسانه طموحه وناجحه ولاقت احترام منهم وحققت كتير انجازات في الابحاث تميزت فيها    كمان كان في لقاء مع الصحفيه المشهوره جمان ابو عرفة يلي هي ام لطفلة وزوجه لمعتقل المعروف عنها انها كانت تغطي معظم الاحداث يلي بتصير بالقدس تكلمت عن مدى حبها للقدس ودعم اهلها وزوجها لالها وكيف كان تأثير عملها ع حياتها وانه بنتها وزوجها كانوا ييجوا بالمقام الاول قبل عملها وما يكون في تقصير منها تجاههم   كان كمان في لقاء مع المصور المشهور فادي عميرة او كما يسمى بقناص الصوره وهو من احد الاشخاص يلي بعرفهم عن قرب كنت اشوفه بمعظم الاحداث يلي كانت تصير بالقدس تكلم عن شغلات كتيره ما كنت اعرفها عنه من قبل .. بدأ مسيرته كرسام كان يرسم المعالم الاثريه بالقدس بكل دقه ويوثقها بعدين اتجه نحو التصوير وحاليا هو مسؤول عن 10 مراكز طبيه بالقدس تصويره جدا رائع وبصب اهتمامه ع ابراز جمال القدس والمدن الفلسطينيه المهجره وبحاول يجذب المقدسيين لالها   هاي الصورة صورها وقت خسوف القمر واستعان باصدقاءه لتطلع بهاي الصورة الجميلة  هاي صورة لاحدى القرى المهجرة ويلي بتبين جمال مدنا الفلسطينية        في اخر رسمه كان دقيق جدا رسم كل حجر موجود وادرجه بكل تفاصيله  كمان كان في لقاء مع منى الباشا وهي طالبه من بيرزيت في السنه الاخيره هي بنت لممثله وممثل ومخرج حاز فلمه الاخير ع جائزه افضل فيلم بدأت التمثيل من لما كانت طفله تكلمت عن حبها للتمثيل من صغرها واديه اهمية التمثيل في طرح قضايانا وادبه بلعب دور كبير بحياتنا وتوعيتنا  رح اكتفي بهدول الاشخاص بس لانه بطول الشرح عنهم كلهم اللقاءات كانت جدا ممتعه وبتمنى لو بصير بكل المدن الفلسطينيه هيك شي وبتمنى اكون انا كمان وحدة من ضمن هدول الناحجين واليارزين بالقدس رح اترككم مع باقي الصور         وبكون هيك انتهيت المصدر: منتديات بنات فلسطين - من قسم: عـدسـة الأعضاء o',hj lr]sdm  |
|
11-09-2017
| #2 | |
 
 | 
سمعت فيه والله وصحبتي كآنت هنآك برضو بتعرفي شي بحس المقدسيين مبدعين لو عندهم فرص اكتر كان بصيروا وبوصلوا لشغلات ححلوة بحياتهم تغطية حلوة وحبيت كل شي هون يعطيك الف عافية رنوش | |
 |
|
11-10-2017
| #4 | ||
| اقتباس:
الابداع موجود عند كل الفلسطينين لكن ما في حد يدعمهم وما في حد يحتضنهم لو لاقوا الدعم المطلوب رح يبدعوا حبيت ردك ووجودك نورتي حبيبتي | ||
| |
|
11-10-2017
| #5 | ||
| اقتباس:
شكرا ع جمال حضورك مورفين نورت موضوعي | ||
| |
|
11-10-2017
| #7 | ||
| اقتباس:
فعلا كان حلو كتير وممتع شكرا ع جمال حضورك مؤيد | ||
| |
|
| الكلمات الدلالية (Tags) |
| مقدسية, خطوات |
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| خطوات تحضير ميني تارت الورد2013- شرح طريقة عمل ميني تارت الورد بالصور2013- خطوات حلى الميني تارت2013حلويات عربية 2013 | ناثرة الورد | װ..مطبخ بنات فلسطين]●ะ< | 5 | 03-19-2021 05:11 PM |
| شابة مقدسية تبدع بصنع فواصل الكتب | lonely heart | ะ» فِلِسطِيـטּ وآلقَضِيـةٌ |▪●™ | 18 | 06-14-2016 01:53 PM |
| قوآت الاحتلال تَختطف فتاة مقدسية ..//~ | شتآتْღ | الأפֿـُبآر والـأפـدَآث | 10 | 11-19-2014 05:19 AM |
| طريقة عمل كيكة المهلبية مع الفراولة2014- خطوات عمل كعكة الفراولة مع المهلبية2013- خطوات عمل كيكة المهلبية المغطاة بالفرا | ناثرة الورد | װ..مطبخ بنات فلسطين]●ะ< | 2 | 09-26-2013 06:38 PM |
الساعة الآن 11:17 AM
