حمام ايام زمان

#1 04-29-2016

الحمّــام أيــــام زمــان ؛
ذكريات صعب ننساها ؛
لما كنا صغار كنا نكره الحمام ليش؟؟؟
لانه أمهاتنا الله يرحمهن والعايشين الله يطولن بعمرهن ،،
كانو يعذبونا تعذيب لما يحممونا ،
الله العليم لما تقولي قوم عالحمام يطب فيي صراع من الخوف تقول قطة محشوره بغرفه ،
تبدأ رحلة العذاب من تشليح الملابس ،
*تشلحني الكنزه تقول بتنتف ريش دجاج وأدنيي كل أدن بجهه ،
طول وقت ما بتتحمم بدك تظل قاعد قرفصه طيب يا حجه والله رجلي بوجعوني ،
عالسريع تناولني كف طيار وتقولي سكر تمك
بالنسبه للمي لازم تكون تحت درجة الغليان بنتفه ،
يا أمي لحمي داب ( أنهلط)* الكف الثاني أسرع ،
لما تفرك راسي أقسم بالله تقول بتفرك بمصباح علاء الدين مشان يطلع المارد ،
وراسي بلولح يمين ويسار تقول مرجوحة ،
والمشكله لما ينزل صابون عوجهك وبدها تقيمه بتتغير ملامح وجهك ،
غير حرقة العيون ،
المشكله أنها الصابونه عنبر أو غار ،
طبعا هي صابونه أقسى من حجر الفرك تسطحك سطح ،
منيجي لفقرة لما تمسك أنفك وتقولك ننننفف ،
بتصير تنف من أدنيك لأنو كل مجاري التنفس مسطومة ،
فقرة التلييف !!
بتمسك الليفه وبتفركها بالصابونه وهي تطلع عليك تقول جزار بسن بسكاكينه للذبح ،
طبعاً الله متلطف فينا ،
ولا فركها للجسم بجيب شلل رباعي كامل ،
طيب هدّي شوي يا حجه انا حاسك بتبشري جبنه ،،
طبعاً الحمام بالدور والكبير قبل الصغير ،
ولما أسمع أخي الكبير بيبكي وهي تحممه و أنا بتاني غرفه ،
بصير أنا أبكي تلقائيا من الخوف ،
بعد الحمام بتطلع عحالك بالمراية والبخار يطلع من جسمك وكأنك طنجرة ضغط مفتوحه ،
الاصابع بكونو مجعلكات ولون جسمك أبيض وأحمر من الفرك وكأنو معك بهاق ،
بالنسبه لتلبيس الملابس !!
راسك قد قبة البلوزه خمس مرات وبده يدخل راسك أجباري ،
*وبتلبس أول بلوزه وتاني بلوزه والمشكله لما تقولك أمسك الكمام مشان تلبس البلوزه الثانيه ويا ويلك اذا بتفلته ،
طبعا بالنسبه لتمشيط الشعر !!
وحفاظا على تنظيف الراس من القمل والشوائب بتغرز المشط براسك وبتبلش الحراثة وأحتمال أسنان المشط يغرزو بمخك ،
مع حمام الغاليه حتى لو أنك صومالي بتصير أبيض ،
ههههههههههه
الله يرحم هديك الايام ،
نعيماً شباب حمام الهنا ،
😂😂😂😂😂😂

المصدر: منتديات بنات فلسطين - من قسم: النكت والطرائف

plhl hdhl .lhk

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
اس الله ايام زمان	الملاك البريئ	زوايا عامة	14	03-19-2018 02:35 PM
استناف مباحثات الدوحة خلال ايام	بنات فلسطين	الأפֿـُبآر والـأפـدَآث	5	03-16-2016 11:50 AM
فلسطين ايام زمان-صور	بنات فلسطين	ะ» فِلِسطِيـטּ وآلقَضِيـةٌ \|▪●™	2	08-23-2015 07:43 AM
وين راحت ايام زمان	صمت اللقاء	زوايا عامة	21	04-20-2015 03:32 AM
وينك ايام زمان راحت	حبيب العمر	النكت والطرائف	9	09-06-2014 10:52 AM