بحبك بحبك بحبك والله بحبك !!

#1 05-08-2015

أحلى اشي ،، أحلى اشي ،، أحلى اشي ،، إحزروو شووو ؟!
لما شب يخطب بنت تقليدي ،، بدون ميعرفو بعض اصلا ،، يعني اليوم راح هوه و اهلو ،، و شاف البنت و عجبتو ،، بعد يومين تلات بقرأو الفاتحه !!
بنفس اليوم ضافو بعض عالفيسبوك !!
و بصيرو يحبو بعض !!
هي بتكتبلو : بحبك بحبك بحبك والله بحبك !!
هو بردلها : الله يخليلي ياكي يا عمري ، بعشقك !!
انا نفسي واحد من هالشباب يطلع من النفسيات ،، و يقولها ،، يا خطيبتي كيف بتقولي والله والله بحبك !! ولك امبارح شفتك ، واليوم قرأنا الفاتحه ،، طب عالقليله استني لتميزي صوتي ،، او عالقليله استني اول لتعرفي اذا بحب البتنجان بالمقلوبه ،، طب تاريخ ميلادي ، اقولك ، استني لتعرفي اسم امي اول !!
شو بدها تجاوبو هالحزينه ؟!
معقول تقولو : حبيبي انا من قبل متيجي تخطبني كنت احلم فيك ،، و كنت عارفه انك جاي ،، اصلا انا بحبك قبل م اعرفك !!
تخيلو يطلع بعدو زنخ ونفسيه ، ويقولها :
خفي علينا يا تركيه ، يا مسلسلات ، يا حالمة ،، يا اساطير الحب ،، يا بياض الثلج !!
الحلو هون هيه تعصب و تقولو :
ولك هي مطوووله معك ؟؟! الحق مش عليك ، الحق عللي بدها تعيش الجو معك يا مقمل ،، ونازليتلك بحبك و بحبك ، عنجد انك نفسيه ،، يا اخي خليني اعيش الجو ،، اعتبرني كذابه ،، خليني افيع ئي !!! مهو هيك انتو الشباب ، بدكو وحده ما تحكي اشي ، منا لو ما حكتلك هيك رح تقولي ، انتي شكلك ما حبيتيني لسا ؟! ولك انا اصلا الحق عليي!!
هون هو شو رح يرد؟!
يا عمي انا مش زعلان ،، قولي بحبك ،، بس بدون متحلفي ،، ونازليتلي والله والله والله بحبك ،، خفي عحالك ، شو شايفيتني اطرم !! ولك عنوان بيتنا لسا ما بتعرفيه !!
هي رح تيأس وتقول :
يا عمي بدي احلف ،، و بدي اصوم ٣ ايام ،، شو اللي بدك اياه انتا ؟! حل عني !!
هون هو رح يمسكها عليها :
احل عنك ؟! هاد طلعتي قويه ،، لا يا عمي مليش مصلحه ،، مسامحك بالذهبات والهدايا ،، انا بدي بنت مش قويه ،، اريدها طيبه و مسكينه !!
ولك سكين اللي تبط بطنك يا البعيد ،، حيرت اهلنا ،، شو اللي بدك اياه !!
بروح الشب ع اهلو و بيقول ،، انا هاي البنت ما بدي ياها ، قويه !!
في منو هالحكي؟!
ولا شو رأيكم ؟! هههههههه

المصدر: منتديات بنات فلسطين - من قسم: النكت والطرائف

fpf; ,hggi !! fdj;

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
بحبك	دموع السماء	ابداعات أعضاء بنات فلسطين الشعرية والنثرية	7	05-11-2015 01:54 PM
بحبك بحبك	أحساآسس غريب	الــشعـر والـشعـراء	21	08-11-2014 02:41 PM
هي لا تحبك أنت	رفيعة الشأن	همس القوافي , النثر و الخواطر	6	08-01-2013 07:35 PM
لا تقل بحبك	اليسا	همس القوافي , النثر و الخواطر	3	07-30-2013 10:05 PM

بحبك بحبك بحبك والله بحبك !!

أحلى اشي ،، أحلى اشي ،، أحلى اشي ،، إحزروو شووو ؟! لما شب يخطب بنت تقليدي ،، بدون ميعرفو بعض اصلا ،، يعني اليوم راح هوه و اهلو ،،