| !~ آخـر مواضيع المنتدى ~! |
| |
| إضغط علي
او
 لمشاركة اصدقائك! |
| |||||||
ذكريات لا تنسى ....
صباحكم سكر من منا لا يملك ذكريات بحياته سواء لها واقع حلو ام بشع لكن تبقى ذكرى نحتفظ بها على مر السنين
 |
| | LinkBack | أدوات الموضوع | انواع عرض الموضوع |
|
#1
01-13-2015
| |||||||||||||||
| |||||||||||||||
ذكريات لا تنسى .... صباحكم سكر من منا لا يملك ذكريات بحياته سواء لها واقع حلو ام بشع لكن تبقى ذكرى نحتفظ بها على مر السنين سواء ايام المدرسة والطفولة وايام العزوبية وايام اخرى مرت ولكن ذكراها بقي محفوظا لدينا فبم تحتفظ وبم يذكرك ؟ رجعنا للوراء قليلا علنا نتذكر ايامنا بحلوها ومرها احترامي للجميع المصدر: منتديات بنات فلسطين - من قسم: فـسحـة الـروح " يوَ๑ـَيآتْ الأξـضآء " `;vdhj gh jksn >>>>  |
|
01-13-2015
| #2 | |
 
 | 
ذكريآت لآ تنسى بتذكر وقت كنت بالروضة وكآن اخر يوم اعطونا شهادات وشوكولاته وبس روحت ع البيت ماما طمعت أخي يلي اصغر مني وصرت انا اعيط كمان بتذكر بس كنت صغيرة وقت كانوا يتجمعوا عمامي وعماتي كان حدا منهم لازم يوزع علي الصغار شيكل وكانت اروح انا زي الزعيمة أشتري ل الكل ، بايام الجامعة اجت عليا فترة كنت احب احكي فيها زي الناس يلي بتقرط بالسين هههه فقعدت فترة احكي كده لحد ما مره وانا بالمحاضرة بشكل تلقائي بدل ما احكي استاذ حكيت أثتاذ وقتها فرطت ضحك ، موقف تاني بالجامعه كان عندي محاضره مع استاذ بحبه كتير وسأل سؤال انا كنت محتاره الجواب منجنيز ولا منغنيسوم ( اسماء معادن ) المهم انا كنت بفكر حالي بحكي بشويش وما حدا سامعني وقاعده بحكي مغ مغ مغ واتفاجأ الكل بطلع في وكاينة احكي بصوت عالي والاستاذ بطلع في وبضحك وبحكي اه يلا يلا وقتها فرطت كل القاعة ضحك هههه بس انو سنة لاقنعهم إني كنت افكر ،، اخر موقف كمان بالجامعه كنت بمحاضره وانا بالواقع بحكي القاف الف فالدكتور حكى نسبه لشي معين فحكتله مش ئليلة ي دكتور فراح رد لا مش ئليلة مع انه بحكي بالقاف وكانت لذيذه منه بكفيني برم لأنو مش هأخلص هههههه | |
| |
|
01-13-2015
| #4 | |
|
ههههآي لو بدي احكي لسه في شغلآت كتيره بس انو تجمدو اصابعي وانا بكتب :Pp اي شعور حلو الزعآمة $ وأيآمك يآ رب | |
| |
|
01-13-2015
| #5 | |
 
|
يمكن صندوق ذكريات مليئ باشياء محتفظة فيها ولو اطلعها يمكن تستغربي بس بتذكر موقف لالي بالمدرسه ما بنساه انا كنت مشاغبه كتير وبصراحة كسلانة شوي زغيرة بس ههه المهم كان علينا حصة عربي ومس العربي كانت شريرة وما كنت احبها ههه فكرت كيف اهرب من حصتها ...مسكت بطني وحكتلها انا مريضة مس ما فيني اكمل الحصة راحت خبرت المديرة والمديرة اتصلت ع اهلي اجا وئتها بابا واخدني ع الدكتور انا كنت مكيفة بصراحة لانو خطتي نجحت بس يا فرحة ما كملت لما وصلت الدكتور حكا لبابا خدها للمشفى سريع ﻻزمها عمليه الزايدة .. وهون كانت الصدمة وفعلا رحت ع المشفى وعملت العمليه وغبت عن المدرسه اسبوعين هههههههههه هاد كان الحلو بالموضوع الصراحة المهم اتعلمت انو من تمارض مرض والتووووووووووبه يا الله ي ملاك بجد لو بدي احكي ما بخلص بس ما بدي احكي شي كتير يكون شخصي يسلمو ع الطرح حبيبتي ويسعد صباحك | |
| |
|
01-13-2015
| #6 | |
 
|
هههه بتستاهلي بس والله طلعتي ممثلة محترفة ولا الافلام والله انك نهفة بس رح تضلي تتزكريها ما تسلميلي شو حبابة | |
| |
|
01-15-2015
| #7 | |
| حنين لرائحة زمن مضى ツ
| اوك رح جاوب مع إني بحبش اتذكر واحكي عن الماضي، بتذكر سنه 2011 كنت اتعلم انجليزي بالمرحله التانيه "تروم" مع معلم كتير بحبه وكان دايما يحترمني يسأل عني، آدم شونفرون اصله امريكي كنت لائيه مميز كإنسان عن بائي المعلمين وانصدمت بعد ما عرفت انو توفى ئبل فتره ! وبتذكر بصف السادس عملت امتحان انجليزي وكان وئتها علامات بونس يعني فوء ال 100 لحد 120، وكنت شاطره بالمدرسه ووئتها نجحت واخدت امتحاني وكانت العلامه 95 وبعد شوي بتئلي المعلمه اثار تعي الامتحان مش الك وانا من فرحتي منتبهتش انو الاسم مش اسمي، اتبدلت مع بنت صفي اعطيتها امتحانها وانا اخدت امتحاني 115 من 100 ههههه والله كييف .. وبتذكر ئبل بفترة شي سنتين بوي ئال بدو يزرع بندوره لانه بوي فلاح وعنا حاقوره جنب البيت وكل سنه منزرع خضره وفواكه، وانا بحبش شغل الارض بس بحب انزل ع الحاقوره، وئتها طلب مني اني اساعدو لمن كنت وائفه بتفرج عليه كيف عم بشتغل، ئلتله بديش ومكنتش بعرف انه رح يتدايئ وئلي "ليه يابا؟ ساعديني عشان بكرا لمن اموت تصيري تئولي كنت اساعد بوي وياريت ترجع هاي الايام"، وانا تأثرت وئتها كتير بكلامه !! واتدايئت لإني دايئته مع إني مكنتش بئصد، دغري مديت ايدي وساعدته، كان يحفر واختي تحط شتلة البندوره وانا ارش مي .. ولسه في كتير شغلات بنسهاش بحياتي، ويمكن هالشغلات يللي ذكرتها تستغربي منها، وتلائيها بسيطه او مش كتير مهمه انه احكيها، بس الاشياء يللي بتأثر بنفسيتي مستحيل انساها حتى لو كانت بسيطه ! شكرا  .. | |
| |
|
01-15-2015
| #8 | |
|
بتزكر لما كنت بصف تالت شارية طئات وحاجات علشان رحلة مع المدرسة وتاني يوم رحت وانا مبسوطة فرحانة بس المشكلة انه المعلمة منغتني اروح وشو اعدة بطلع الباص الا وهي نزلتني فكركم ليش؟؟ ال لانه طالعلي جدري وبعدي البنات ههههههه رجعت اعيط ومش طايقة حالي | |
| |
|
01-15-2015
| #9 | |
|
بتزكر لما كنت بصف تالت شارية طئات وحاجات علشان رحلة مع المدرسة وتاني يوم رحت وانا مبسوطة فرحانة بس المشكلة انه المعلمة منغتني اروح وشو اعدة بطلع الباص الا وهي نزلتني فكركم ليش؟؟ ال لانه طالعلي جدري وبعدي البنات ههههههه رجعت اعيط ومش طايقة حالي | |
| |
|
01-15-2015
| #10 | |
|
بتزكر لما كنت بصف تالت شارية طئات وحاجات علشان رحلة مع المدرسة وتاني يوم رحت وانا مبسوطة فرحانة بس المشكلة انه المعلمة منغتني اروح وشو اعدة بطلع الباص الا وهي نزلتني فكركم ليش؟؟ ال لانه طالعلي جدري وبعدي البنات ههههههه رجعت اعيط ومش طايقة حالي | |
| |
|
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| الانتفاضة الاولى ..ذكرى لا تنسى | خالد | ะ» فِلِسطِيـטּ وآلقَضِيـةٌ |▪●™ | 5 | 12-18-2014 12:13 PM |
| ذكريات الطفولة يا حلوها من ذكريات | إبنة فلسطين | زوايا عامة | 9 | 09-08-2014 12:50 PM |
| في زحمة الوجوه لا تنسى من انت | عشق ! | التنمية البشرية والذاتية | 9 | 05-15-2014 03:23 PM |
الساعة الآن 06:58 PM
