يــمه

هذي القصيدة وانا بالسجن قبل ثلاث اعوام "صغير تقريبا" صارت مشكلة صغيرة وتوقفت عليها شهر نزلت حدث شرس الله لا يعيدها فـ بيوم جت امي ع الزيارة ((الله يردها بالسلامة)) وطبعا رفضت اقابلها صدقا ما قدرت اوقف واشوفها والقيد بيدي فعطيت هذي الورقة لشرطي يعطيها لامي وبالفعل شهر كامل كل ما تجي ارفض اقابلها لحين ما طلعت وقابلتها يا اخي شعور ابد ما انساه ... ربي يخليها ام السوس حياتي انا ههههه لبيها

يـــــــمه
بقلم : صهيب غنيم

يمه كفّي ولا توصين شبلك
يمه ترا دموعك تبليني بـ عمايا

يمه اتوسل واوطي تحت قدمك
شقي الحزن ارجاكي كفايا

يمه وش أسوي لو خذو ولدك
وشنو يعني لو مات حظي بالبدايه

يمه خل القدر يهلكني هلك
لا بد ما يتعب واهزمه في النهايه

يمه ما عاد يفرق الحزن من الضحك
وش يفيد النوم لو جرحي غطايا

يمه كنت المهرج والحياة مسرح سرك
ابسط الناس ولا فيني ابتسامه

يمه عشت طيب وصلوني الشرك
عشت منافق الكل عبد سمايا

يمه صفيت دمي بضيقهم برك
ويوم احتجتهم رقصو في عزايا

يمه ما نلوم الزمن وفيه لا نشك
هم البشر الي قامو يقلبون النوايا

يمه افخري وصلي راسك للفلك
لك وليد تحدى السيوف بعصايه

يمه رغم انكساري لي هيبه ملك
والكل قسم بحسن الخلق والربايه

حتى ان مريت فرشو الارض مسك
ما عيبوني وانا الصغير بين الطنايا

يمه ترى العذال عابو وزير وملك
وشلون لو كنت منهم وعاشو معايا

يمه خلي جروحي هذي مو إلك
ترا عقب الصعايب تاتي الهدايا

يمه خلاص تكفين قلبي انفرك
كل دمعة منك تقص عرق فـ الحنايا

يمه استريحي وانا صهيب ولدك
صابر يمه والله اعلم وش جزايه

وسلامتكم

المصدر: منتديات بنات فلسطين - من قسم: ابداعات أعضاء بنات فلسطين الشعرية والنثرية