اقرأ معي بتأني و حاول الفهم ولو لأول مرة في حياتك

..

بسم الله الرحمن الرحيم ..
أخواني \ أخواتي الأعـضاء ،، بتكلم اليوم عن سلوكياتنا بالحياة الروتينية وبالعامية بعيدا عن الفصحى
يعني اعتبرها مناقشة بينك وبين أحد من أفراد عائلتك ،، طرحي يناقش نقاط كثيرة بأذكرها بالتفصيل ..


~ الإحترام .. خليه أساسك بالحياة اللي تبني جميع تصرفاتك عليه بكِذا انت بتكون أرغمت الناس على احترامك
مافيه اي شخص ممكن يعاتبك او حتى يعيبك لو طلّع لك مليون سبب من تحت الارض
وبالنهاية "مايصح إلا الصحيح " .. إحترِم تُحترم



~ العطاء .. م أقصد فيه الصدقة أبدا وماراح اتكلم من ناحية دينية وإنما بيومياتك .. مثلا بالدوام كنت فاضي
وشفت غيرك يحوس بشغله أو واجباته بعيدا عن السبب إن كان مهمل ويراكم على نفسه لكن خذها من ناحية
إنك تساعده يعني شايف حالك مروّق وعندك فرآغ م في مشكلة إنك تفرح أخوك المسلم .. إعطي غيرك ربي يعطيك



~ التسامح & الإعتذار .. قبل كل شيء تذكر كرامتك فوق الجميع أبدا لاتعرّض نفسك لمواقف لاتُحسد عليها
يعني مو كل من هب ودب تسامحه وتعتذر له هو غلطان أو الموقف مايحتاج إعتذار .. أوكِ سامحه بقلبك
وبالعكس هالشيء جميل و أجر من الله وتطهير لنفسك من الغِل والحقد بكِذا تكون أبرأت ذمتك امام ربك
لـكن مسألة أتنازل لشخص غلط بحقي لآ معليش ترفّع عن هالمستويات وكِل كلامي في حال إنك إنظلمت
مو إنك تظلم غيرك وماتعتذر له .. مآفي شيء يستحق زاوية بقلبك تحط فيها ذكريات سيئة وأشخاص أسوأ



~ السـعادة .. كِلنا نحب احد يمدحنا بشكل مباشر أو حتى لو سمعت .. وطبعا يعطيك طابع حلو عن نفسك
وتحس انك تبذل مجهود اكبر بالشيء اللي مدحوك الغير فيه بس لازم يكون لك دور بإسعاد الآخرين ..
صدقني لو أسعدت لك كائناً من كان تعرفه من فترة طويلة أو حتى م صار لك معه غير موقف واحد وجاء بيوم
يقول الله يسعدك ي شيخ مثل م اسعدتني شعووور لايوصف وأكيد الكل مر فيه .. باللي تقدر عليه إسعد غيرك
مثلا شفت واحد كاشخ إعطيه كلمة حلوة يمكن تعطيه ثقة ،صاحبك انتهى من الواجب إرفع من معنوياته حسسه
إنه يقدر على كل شيء وغيرها طرق شارك فيها غيرك وإسعدهم .. السعادة تأتي ولو من الأشياء البسيطه



~ التفهّم .. مو كل موقف يحصل يكون بقصد ممكن زلّة أو مجرد حادثة أو تصرف له مبرر .. لاتعصب دآيركت
خليك متأني و أفهم التفاصيل بعدها أحكم.. أكثر المشاكل اللي تصير تجي من تصرفك وطريقة فهم اللي قدامك
for example وصلت احد للمكان الفلاني وإنت راجع تدق عليه وهو م يرد و أول م قابلته شبيت فيه
ليش وليش وليش ؟ وآخرها يطلع الفون م فيه شحن او مآ انتبه وانت تدق .. ماشي الحال هو غلطان لكن حط
نفسك مكانه يعني ماله ذنب إنه يخلص الشحن او انشغل وم انتبه .. كُل ابن آدم خطّآء وخير الخطآوؤن التوابون


~ الإعتراف .. تتناقش انت واخوانك ، أصحابك اختلفت آرائكم وبالنهاية طلعت غلطان وانت تدري بس تعاند
هذا اكبر غلط صار بالنقاشات اللي م نطلع منها بأي نتيجة والسبب التمسك بالرأي .. اش فيها لو اعترفت ؟
ترى بتكبر بعين اللي قدامك حتى لو قعد يتمسخر عليك وكرّهك بإعترافك ابدا لاتوقف مجرى تعاملك بسبب
من حولك مرة مرتين بعدها بيحس نفسه صغير وهو يشوفك مهمّشه ع الآخر .. الإعتراف بالحق فضيلة



هذا جانب من تصرفاتنا اليومية م حبيت اظهر أكثر من كِذا لأنه عندي قاعدة أساسية أمشي عليها
" عامل غيرك كأنك تعامل نفسك وحط نفسك مكآن غيرك وأؤمن بأنه كل عمل قمت فيه بيرجع لك "


remember : وإِنما الأمم الأخلاق مابقيت فإن هم ذهبت أخلاقهم ذهبوا

المصدر: منتديات بنات فلسطين - من قسم: التنمية البشرية والذاتية